倒轉圖片兼影錯錶

　　日前代香港朋友租樓，發現本地代理inventory report提供咗電和燃氣錶圖片，但卻將燃氣和電嘅讀數倒轉，一個單位係立方米m3， 另一個單位係KＷＨ，而且兩個錶外形完全唔同，都一樣可以錯。

　　不過，更有趣嘅係，燃氣讀數竟然同能源公司的記錄（即上手申報或能源公司估算）高出三倍。咁有兩個可能，一係本地代理抄錯錶，一係能源公司記錯數。最終現場發現，個單位外邊的燃氣錶，本地代理影咗張相，卻無發現個錶側面條喉管係連接到三樓個單位，即是說，個錶係屬於另一個單位。

　　解開咗謎團，最終可以提供正確讀數。如果交錯讀數，租客隨時收到震撼帳單，又或者搞番幾個月都未收到張正確嘅能源帳單。