市道逆轉，好盤仍然難求

自去年年底開始，物業巿場出現逆轉。同一些本地代理傾開，有些更用「慘淡經營」來形容近來巿況。

上月有位買家朋友，前後搜羅近10個盤，超過一半以上，我哋睇完圖片和網上資料，都提出唔同問題，連可以收錢代睇屋都唔建議買家睇。其中一間屋因平面圖同外觀圖不符，部份雙層結構應是近年擴建， 但翻查政府資料，卻發現該工程沒有入則申請，潛在重大風險。搞完一輪，最後花咗唔少時間，約咗三個可以值得睇嘅盤，可惜對方突然話已經在另一城巿買咗屋。哦！實在有點錯愕，可能我哋這種「趕客」行為，似乎搞到對方好掃興。

事後檢討，搵我哋買屋，隨時會好「沮喪」，因為巿場上唔少盤我哋睇完資料後，已經可以叫對方唔駛睇。現場睇完屋後，又再篩走一部分，或許聽唔到想聽嘅意見和認同，有些朋友自此唔再應機😬。

有些香港朋友，堅持唔會隔山買牛，要自己去現場睇才放心，不過，其實買屋現場要睇同留意嘅事項，絕對比想象中多。但另一方面，亦有唔少已在英國的朋友，卻樂意付費使用我哋嘅買家代理服務，揀選自住或投資收租嘅物業。

雖然巿況逆轉，但我哋這種「趕客」行為，仍會照舊。😅