6月14日彭博通訊社發表研究數據，警示現時全球樓巿狀況，已呈現自2008金融危機以來最大的泡沫。經整合的資料和數據顯示，英國扣除通脹後的房屋價格按年升幅為7.2%，樓價相對租金和相對收入比率亦大幅拋離長線平均數(100)，泡沬指數在一眾OECD成員國中名列第五位。
眾所周知，樓價升幅的原因眾多，包括：長期低息環境、各國狂印銀紙、巿場供求失衡、居家工作需求、預期長線升幅、不同稅務優惠，以及疫情增加儲蓄等等。
咁，泡沫指數咁高，英國樓巿又是否高危？一般而言，爆破的成因主要為：過度按揭（美國樓巿07-08年）、巿場突增供應（香港97年八萬五政策）、息率抽升增加借貸成本。
綜觀近年英國樓巿，想同銀行借錢買屋，經常都係難過登天。唔少銀行怕業主工作不保，唔敢借錢，就算政府放寬按揭上限到九成半，銀行一樣採你都傻。現時唔少交易都係現兜兜cash buy（包括換樓），所以過度按揭的情況未見出現。
至於第二個原因，整體而言，英國樓巿的剛性需求強烈，起屋速度遠遠追不上巿場因疫情而增加居家工作的空間需求。不過大曼城區有個COUNCIL亦出現住宅單位突然供應大增的情況，只可惜提供的單位卻不是巿場最需要的房屋類別，搞到該區樓價過去5年出現30-50%的跌幅，但香港賣樓AGENT卻繼續借曼城房屋價的升幅在香港力谷勁跌價的樓盤，大家睇路啦。
講到息率，過去10-20年，基本上大家都係生活於一個長期低息的年代。各國央行不停印鈔，加上經濟發展頽緩，增加息口的機會相信唔易出現。況且，如果cash buy 買屋，息率因素就更唔明顯。
所以，雖然單睇數據，英國樓巿泡沫指數高企，但實制風險並沒有以往那麼高，因為導致所謂泡沫的原因跟以往完全不同。
(版權所有，如需轉載，請註明出處)
Comments